Drinta mè seugn

Descrizione

Tuti costi sfògh armonios a nasso anquadrà andrinta a la lus d’un seugn.

A l’è andrinta al seugn chea vest ëd sol nòstra giornà, andrinta a l’ilussion ëd podèj trasformé la neuit ant un ëschers ëd le stèile, a l’é ant la vita d’una feuja mòrta, a l’é ant ël vestì ëd fiòca l’Infinì, che nòstra vita a peul pijé na forma soportàbil, përchè nijà ant l’ironìa dla realtà.

Già! Mai come ancheuj ël grisor che an circonda a l’ha da manca ‘d fërmesse a sente l’armonìa che an canta, an sordin-a, che la vita a l’é bela se vestìa dal soris dël «seugn» d’un Ideal che a rend l’òm pì òm: … seugn d’un moment che a peul posene dosman andrinta a la speransa giustificà da ‘n seugn sensa fin, solecità da l’armonìa d’un cant.

Ëdcò an cantand, an efet, la vita a peul trasformesse an seugn! A l’é la propòsta che a ne spòrz con soe cansn Giuseppe Novàjra. Camillo Brero.